İNKİŞAF SİYASƏTİ
1. ÜMUMİ MÜDDƏALAR.
1.1. Azərbaycan Respublikası Prezidentinin 06 dekabr 2016-cı il tarixli fərmanı ilə təsdiq edilmiş “Azərbaycan Respublikasında maliyyə xidmətlərinin inkişafına dair Strateji Yol Xəritəsi”-nin müddəalarına və Cəmiyyətin Nizamnaməsinin 9-cu maddəsinin 3.2-ci bəndinə əsaslanaraq, qarşıya qoyulan hədəflərə çatmaq məqsədilə, “İpək Yolu Sığorta” ASC öz cari fəaliyyəti zamanı aşağıdakıları əsas götürür:
- Azərbaycan Respublikasının qanunvericilik aktları, nəzarət orqanlarının normativ-hüquqi sənədləri və öz Nizamnaməsi ilə müəyyən olunmuş tələblərə riayət etmək;
- Sığorta şəhadətnamələrinin satışını genişləndirmək, sığorta haqları yığımının artırılmasını, maliyyə göstəricilərinin yaxşılaşdırılmasını və maliyyə dayanıqlığının artırılmasını təmin etmək;
- Təqdim etdiyi sığorta məhsullarının və xidmətlərin yüksək keyfiyyətli olmasına nəzarət etmək;
- Əmək kollektivi üçün sağlam iş şəraiti yaratmaq, əməkdaşların peşəkarlığının daim artırılması istiqamətində tədbirlər görmək, müvafiq təlimlərin keçirilməsini təşkil etmək;
- Aktivlərin, məlumatların və məxfiliyin qorunması məqsədilə, istifadə olunan texniki vəsaitlərin, proqram təminatlarının, mühafizə sistemlərinin fasiləsiz və keyfiyyətli işləməsini təmin etmək;
- Dövlət büdcəsi qarşısındakı öhdəliklərini vaxtlı-vaxtında və qanunvericiliyin tələblərinə müvafiq qaydada yerinə yetirmək;
- Cəmiyyətin nüfuzunu qoruyub saxlamaq, iqtisadi maraqlardan əlavə, sosial, ictimai və ekoloji maraqların qorunmasını təmin etmək. Etik normaları və biznesin aparılması qaydalarına riayət etmək;
- Maddi və insan resurslarının planlanması və səmərəli istifadəsini təmin etmək;
- Çirkli pulların yuyulması, terrorizmin maliyyələşdirilməsi və korrupsiyaya qarşı mübarizə ilə bağlı tədbirləri həyata keçirmək;
- Müştərilərə risklərin idarə olunması və mövcud sığorta təminatının yaxşılaşdırılması ilə əlaqədar tövsiyələr verilməklə müştəri qarşısında məsləhətçi-konsaltinq tərəfdaş kimi çıxış etmək;
- Müştəri məlumatlarının və sığorta sirri hesab edilən məlumatların qorunmasını təmin etmək;
- Şirkətin maliyyə göstəricilərini yaxşılaşdırmaq, gəlirləri və bütün xərcləri nəzarət altında saxlamaq, vəsaitləri səmərəli istifadə etmək;
2. HƏDƏFLƏRİMİZ.
2.1. “İpək Yolu Sığorta” ASC-nin hədəfləri aşağıdakılardan ibarətdir:
- Sığorta bazarında müştəri məmnuniyyətini və bazar payını artırmaq;
- Mövcud sığorta növlərinin / məhsullarının beynəlxalq praktikada tətbiq edilən yeniliklərə uyğunlaşdırmaq;
- Cəmiyyətin investisiya gəlirliliyini artırmaq;
- İdarəetmə xərclərinin optimallaşdırılmasını təmin etmək;
- Baş vermiş sığorta hadisələrində əlavə xərclərin minimallaşdırmaq;
- Müasir texnologiyaların və yeniliklərin tətbiqini təmin etmək;
- Müştəri məmnuniyyətini təmin etmək və daima təkmilləşdirmək. Müştərilərlə və tərəfdaşlarla qarşılıqlı əməkdaşlıq əlaqələrini qarşılıqlı inam, şəffaflıq və dürüstlük prinsiplərinə əsasən qurmaq və inkişaf etdirmək.